鍾楚紅遭博懵必定出手
深居簡出的鍾楚紅前晚以中性打扮大騷事業線，出席品牌活動，她坦言有留意陳浩民「狼吻」陳嘉桓事件，她說：「有聽少少，（之前拍戲有冇疑似被博懵？）女仔要小心，借酒行兇嘅人一定有，自己就少去夜場，我以前拍完戲就返屋企，係悶蛋。」至於若被摸手摸腳怎辦？她笑說：「我會踢佢、打佢打到趴喺度。」
而另邊廂的汪詩詩被問到有指奶奶病重兼老爺賣樓，而他們兩公婆照遊埠？她坦言報道失實，並說：「奶奶唔舒服係因為神經被壓住，我生完BB都有，奶奶身體好好。而我哋唔係遊埠，係工作。」
此外，名人羅可旋透露再度懷孕，她說：「係意外，依家有五個幾月，預產期明年四月，係仔！」