趙學而出嫁 加料汽水隊爆Eason

現年39歲的歌手趙學而昨日假香港仔海鮮舫舉行婚宴，約下午四時十五分，學而身穿繡上大紅花的黑色旗袍和穿白色西裝的夫婿趕到香港仔碼頭，由於要趕上船沒有接受訪問。兄弟團林一峰、手執花球的妹妹林二汶及Eason陸續現身，二汶透露早上接新娘時被「惡搞」：「兄弟團要九秒九飲晒9罐加咗醬汁、燒酒同茄汁嘅汽水，寓意甜酸苦辣、長長久久。」難怪連喝兩罐的Eason大叫：「好眼瞓，好想瞓覺呀。」自稱首次任兄弟的他，前晚緊張至失眠又要早起，飲了「加料汽水」後，飽到下午兼情緒勁high。

保鮮紙維繫感情

Eason和新郎是相識三十一年的同學，學而則認識了十多年，他說：「我係喺佢哋拍咗一、兩年拖，睇報紙先知佢哋拍拖。」雖然他狀態欠佳，但問他可有傳授夫婦相處之道予一對新人？他發揮「吹水本色」說：「保持距離，唔好見咁多，瞓覺時用保鮮紙包住，（包住邊呀？）保住自己，咁先可以保持新鮮感。」期間有外籍遊客誤以為Eason是新郎，上前向他祝賀，他竟欣然接受說：「thank you。」

一對新人與賓客大合照。	學而與Alan在嘉賓見證下簽字。	Eason飲了「加料汽水」後表現勁high。

被靚靚爆唔生Ｂ

而約五時四十分，學而換上全白色婚紗翹住夫婿在嘉賓簇擁及一片鎂光燈下進行結婚儀式。據知黎瑞恩幫趙學而做上頭儀式，至於前來飲喜酒的圈中人有廖碧兒及謝天華、丁子高、關秀媚及男友、動作片女星梁琤、黃偉文、梁漢文夫婦、邱淑貞夫婦、張智霖及太太袁詠儀（靚靚）、伍詠薇等，袁詠儀更爆新娘沒打算生ＢＢ。

廖碧兒曾與學而合演電視劇《皆大歡喜》。	梁漢文夫婦	謝天華

採訪：音樂組