G.E.M.認毀形象公開道歉

G.E.M.昨日面帶笑容出席活動承認年少無知，她說：「依家睇番覺得好樣衰同好低能。」並解釋當年細個覺得講粗口「好型」及「成熟」才寫下拼音粗口：「今次真係千年道行一朝喪。」對於與初戀男友Bryon同遊梅窩三日兩夜，並以「新婚」形容，G.E.M.說：「嗰時我得15歲咋。（有冇做越軌行為？）點會呀，我哋唔做犯法嘢。」當問到現時是否處女？為免被指博宣傳的G.E.M.無奈說：「我係基督徒，唔會婚前性行為。（咁初夜係咪畀咗緋聞男友台灣歌手林宥嘉？）冇你哋諗到咁歪念。」

獲原諒歌頌母愛

當提到以粗口鬧阿媽，G.E.M.說：「相信媽咪唔會嬲，佢仲喺上海傳短訊鼓勵我叫我堅強，我覺得母愛真偉大。」她又坦言曾想在微博向鄧麗欣及胡杏兒道歉，她說：「冇得私信佢，見到面都會同佢哋講：有怪莫怪細路仔唔識世界。」隨即作出道歉手勢並說：「對唔住。」

G.E.M.昨日雖面對負面新聞，但演出仍保持水準。	胡杏兒昨叫G.E.M.不用道歉，更大方稱「小事一則」。	高鈞賢即場向葉翠翠跪地求婚，女方一臉冧爆。

高鈞賢即場求婚

至於胡杏兒昨日出席活動坦言有看過報道，並表示每個人都有喜歡及不喜歡自己的人，問到會否接受G.E.M.道歉？她說：「唔使Say Sorry咁嚴重，好小事啫。」同場的高鈞賢則應要求搞笑地即場向緋聞女友葉翠翠求婚，兩人表示不介意以情侶檔搵銀。

文：音樂組