祖兒要面拒主動求婚

容祖兒前晚與師弟陳偉霆（William）到中環出席聖誕亮燈活動，由於祖兒身穿短褲加披長紗露腿出場，十分誘人，令在場人士即時叫囂調戲，非常搞笑！

提到Joey好友Eric Kwok日前在其組合Swing的紅館演唱會台上，向女友葉佩雯求婚再即場簽紙結婚，Joey笑說：「好浪漫呀！勁啦，伸脷咀嘴！咁都畀佢諗到，真係好盡！（你恨唔恨一個咁大型嘅求婚？）女仔係被動啲，如果有個人咁做都好浪漫，不過要睇吓機緣啦！」問她想不想於巴黎鐵塔做這件事？她即大笑：「哇！反轉再反轉！如果有咁特別嘅氣氛都會好難忘，不過我一定唔會主動，女仔咁做成何體統呢？」

陳偉霆玩到發燒

Joey表示平安夜與聖誕都在內地工作，她自爆原獲公司批准放假，不過她經理人霍汶希（Mani）卻反對，令她到日本過節的計劃泡湯，只好留港唱K度過。而同場的陳偉霆則自爆日前出席女友蔡卓妍（阿Sa）的生日會時玩得太癲而發燒，要吃中藥，更自嘲玩到病好（火羅）。至於聖誕禮物方面，他仍未想到送甚麼給阿Sa。

文：音樂組