林峯少聯絡Rose不願置評
林峯昨日出席簽唱會，提到前緋聞女友陳嘉桓（Rose）被抽水，他說：「事件發生之後我一直唔喺香港，其實自從同Rose拍完MV之後都好少聯絡，都覺得幾驚訝，因為事件入面有關人士我都熟。馬德鐘識佢好耐，印象中佢係好有義氣嘅前輩，好照顧後輩，我好驚訝。（有指係Rose投懷送抱？）件事發展到咁，我覺得唔適合評論太多，畢竟大家都唔喺現場。」他表示平日收工就算食飯，好少機會會飲酒。
另外，林峯為演唱會推出的DVD銷量高達四白金，現場有工作人員搬一個大箱出來，即有人大叫「搬箱箱」（其舊愛潘霜霜），令人發笑。原來內有乾坤，走出一位美女向十二月八日生日的林峯送蛋糕賀壽。
