胡杏兒花月佳期話唔到事

胡杏兒、黃智賢、李思欣、沈卓盈等昨日為台慶劇《萬凰之王》宣傳，眾人穿着戲服於尖沙咀人來人往的地方派禮物、海報，場面熱鬧而不太混亂。

劇集快將進入結局篇，杏兒坦言捨不得，因拍時都很辛苦，她表示希望收視會再上升，問會否以暫時全年最高收視劇集《法證先鋒III》作目標時，她謂：「希望啦！希望過到佢哋，有信心嘅！」她表示若結局收視好，會再搞慶功，會否留待攞了視后後一次過慶祝？她說：「攞到先算啦！」

一眾演員花車巡遊造勢，並向途人打招呼。	胡杏兒在鬧市派發禮物，吸引大批市民索取。	胡杏兒有信心劇集收視成為全年第一。

黃智賢撐嘉穎稱帝

說到呂慧儀宣布結婚，問杏兒會否圓了視后夢便結婚？杏兒說：「佢十年長跑，好犀利。（你都七年！）都冇雙位數。（雙位數時結？）唔知喎！依家啲女仔唔使咁早結婚，呢啲嘢都唔係一個人話事。（等佢開口？）依家工作為重。（佢開口未？）唔知呢！冇冇冇，唔想講錯嘢。（想唔想佢開口？）乜嘢啫！冇咁快，輪到我會話畀大家知！」

黃智賢說到台慶男配角獎項，他坦言一直都對自己有信心：「我都開心咗好耐，網上反應畀咗好大支持我。（想唔想同好朋友鄭嘉穎一齊攞？）LAW霸一定要攞（視帝），我睇好佢。」

文：影視組