陳浩民緊張 B女臍帶繞頸

陳浩民前日舉行記招向陳嘉桓公開道歉後，昨日他全程拖實懷有B女的老婆蔣麗莎（Lisa）作產前檢查。二人於銅鑼灣一診所大樓等候電梯時，被不少內地遊客認出兼大叫：「支持你！」但亦有途人錯認他是鄭嘉穎。

唔敢開女廁門

抵達診所後，Lisa被護士指消瘦不少，浩民笑說：「我唔喺度佢就唔肯食嘢，不過依家我返咗嚟唔使擔心。」之後他陪Lisa到廁所驗尿，原打算幫老婆開門的他卻步說：「女廁門都係唔好我開。」他透露B女名由老人家決定。問對女兒有何期望？他說：「要成為社會棟樑，唔好成為包袱。（之後再生？）等老婆話事。」

等候檢查時，陳浩民捉實老婆雙手給予支持。	Lisa磅重時被護士指消瘦不少。	兩人到超市買餸，陳浩民當然唔使老婆推車仔。

檢查後，由於Lisa想多謝護士們照顧，浩民便將一封封紅色小禮物送給診所護士。他透露胎兒安好，但又緊張地說：「不過個BB依家畀臍帶繞頸，要過幾日等醫生再決定有咩行動。」Lisa透露B女頑皮，喜歡聽爸爸聲音兼在肚內走來走去。浩民指會辦百日宴代替滿月酒，雙方家人都會在港陪老婆坐月。記者指浩民鼻子通紅兼有結疤，他說：「尋日抹損。（心情平復？）未。（搵陳嘉桓親口道歉？）有機會當然希望當面同佢道歉。（搵冼國林？）有，不過冇人聽電話。（警方有冇聯絡你？）冇。」

之後二人離開準備登車，問是否星期一誕女？他說：「預產期星期一。（邊間醫院？）唔講得。（你同陳嘉桓件事涉及刑事責任？）冇諗。」他們之後到附近的超市買餸，問他會否買禮物氹老婆？他坦言只要老婆想要都會買，之後便返回寓所。

悉心栽培愛女

事後記者再致電浩民，強調會改過的他說：「當然會好小心教導，我會努力工作搵錢，老婆就全職喺屋企湊女，將來所有資源都會放喺佢身上。（個胎情況點？）醫生話胎兒畀臍帶繞頸好常見，不過當然係唔正常，但唔會有危險，唔會影響到將來發育。睇吓佢之後轉位係點，先決定要唔要擇日開刀。」

文：影視組

攝：追蹤組