Kary聞紙炮巨響碌地龜縮
吳雨霏（Kary）雖然生得高大，原來是「膽小一族」，日前她拍攝新歌MV時，被突爆的紙炮聲嚇到尖叫兼倒地，不過因時間緊迫，驚魂未定的她又「死頂」歸位，再chok出靚樣繼續拍攝，有苦自己知。
Kary成為唱片公司新寵後，工作量突增，日前她除為新碟四出宣傳外，又要忙於拍攝新歌《歸宿》MV，此歌曲風帶點甜蜜幸福感，欲憑歌寄意祝福情場失意的單身女子，最終尋得好歸宿。
死頂繼續拍攝
為拍出唯美又感性的效果，導演要求穿上低胸裝的Kary以嫵媚的姿態拍攝，還安排了放紙炮營造浪漫情景，可是沒有心理準備有爆破效果的她，聽見紙炮巨響時，嚇到尖叫兼失魂跌落地，工作人員初時大驚，後也忍不住發笑。可憐驚到失魂的Kary，深知要趕拍攝，惟有拍拍心口再坐回原位，繼續邊擺出靚甫士邊咪嘴唱歌，她說：「我要邊唱歌，邊防爆破聲，真係令我精神崩潰，我要將《歸宿》改名為《龜縮》，自己好似隻龜咁嚇到縮埋！」
查字典唸對白
另外，Kary早前參演電台劇《廉政行動2011》，和演員陳鍵鋒同飾演調查員，由於Kary以英語為母語，中文水平較差，每晚都要查字典及問身邊人中文正解及讀音，以免讀音出錯，她說：「已經忘記咗上一次拍劇係幾多年前，今次做專業人員角色，要背大量專業用詞對白，每次拍攝前都會嘥好多時間記對白，以免阻礙拍攝進度。」
文：音樂組