Dear Jane靠副業撐住Rock下去
玩Band非本港樂壇的主流，樂隊Dear Jane承認生存有一定困難，但從未想過放棄，他們自爆有經營副業。主音Tim與港姐出身的楊洛婷拍拖多年，早前他被指背住女友在中環與一女子拖手，深得女友信任的他覺得毋須澄清。
由03年成立至今的Dear Jane剛加盟華納唱片旗下，成為薛凱琪、方大同師弟，三子承認樂隊在香港樂壇生存比較辛苦，但他們說：「人生有幾多個十年，我哋又唔係發明星夢，只要有人聽我哋啲歌，已經覺得好勁，憑住呢個信念做落去。」他們笑言尚有能力照顧屋企，更自爆各有副業，並笑說：「玩Band的人好多都有經營同音樂有關嘅副業。」
獲女友信任
主音Tim與港姐楊洛婷拍拖多年，感情穩定，不過早前他被指背住女友在中環跟另一女子拖手，女友可有興師問罪？他說：「冇喎，證明我哋幾恩愛，（澄清吓？）澄清咩呀？係佢掹住我隻手。」他表示女友對他投以信任票，但他明白到要注意言行，他說：「自己係代表樂隊，身為公眾人物，我都有責任要小心言行。」
主音非焦點
拍檔鼓手Jackal則承認剛與拍拖五、六年的圈外女友分手，他說：「大家仲有聯絡，我都有陪佢去搵屋，（復合可能？）唔知。」而低音結他手Howie也蜜運中，但他未有打算結婚，他笑說：「我心智仲係小朋友。」一隊Band主音通常是大家焦點所在，但三人並不認同，他們表示在不同場合、不同範疇，他們就飾演不同的大佬位置。
採訪：音樂組 攝影：沈健程
髮型：Carr/Roy@P.O.P Hairdressing
化妝：German Cheung@feelsocool