盧凱彤呻寂寞 恨要轟動愛情

創作結他歌手盧凱彤近日推出新聖誕歌《一個人回家》，問為何創作這麼傷感的歌曲？Rockmui可憐地說：「我有一次做完嘢自己搭車返屋企，途中自己反省過去，突如其來覺得我一個人飛來飛去做嘢好寂寞，所以就作咗呢首歌抒發。（咁慘？）所以如果我拍拖的話，對方都要唔介意我飛來飛去。（網上傳情？）我唔得呢啲，我一拍拖就要全情投入！」

不喜男友迷失自我

問現在可有追求者？Rockmui說：「未有明顯嘅，希望明顯啲，如果要追就唔該快啲！我好想有一種五湖四海、驚濤駭浪feel嘅戀愛！（世界各地都有一個？）哈，咁咪唔使住酒店？都幾好，唔使負擔。不過我自問做唔出，拍拖始終喺自己身邊最好，如果唔喺自己身邊會好似身處地獄。」

盧凱彤近年經常離港工作，人在異鄉倍感孤獨。	盧凱彤不會為拍拖而拍拖，一定要符合她要求。	由於彈結他出色，盧凱彤被冠以「結他女神」稱號。

Rockmui又指將來男友除了要痛錫她，亦一定要看她所有演唱會。她說：「佢可以睇完話唔鍾意，不過一定要睇。佢仲要所有我嘅歌都識唱，要所有詞都識背。（搵fans做男友？）唔得，因為唔可以對方太沉迷我，冇咗自己。」

配合新歌下月開騷

另外，Rockmui為了配合新歌，將於十二月底在九展舉行兩場音樂會，主題是孤單一個人過的聖誕節。

文：王羽飛　攝：吳文聰