顏子菲寧做「骨女」拒絕升Cup

身高5呎9吋的亞姐顏子菲Keep得23吋纖腰，側面看十足紙板人，十分誇張！她又經常周遊列國主持飲食節目，看似食極唔肥，其實鏡頭後要「勒緊肚皮」禁狂食，有苦自己知：「出Trip嘅時候先食多啲，平時我成日只係食菜、水果同烚蛋，寡係寡啲，但要keep磅數冇辦法！」身形瘦削的子菲沒有符合外間對事業線的要求，但她寧可繼續Sell骨感美：「我驚副作用，而且我身形唔襯大胸，隆咗胸就唔係我啦！」

勤力護面 抗空氣污染

除了身形keep fit，子菲亦注意keep皮膚質素，近來她就接受秘製中藥Mask療程，令肌膚潔淨及充滿光澤，當堂Sharp醒晒！子菲表示平日會積極做磨沙去死皮及注意保濕，但她直言不算貪靚，只是香港空氣令皮膚變差，故不得不留意：「我細個冇咩護理意識，以前喺多倫多空氣好，防曬都唔用，但香港空氣污染好犀利！」

子菲勤做Facial扮靚靚，令肌膚潔淨及更有光澤。	長期節食的子菲，出外做飲食節目才會食得多啲。	擁23吋纖腰的子菲，側面看盡顯「紙板」Fit爆身形。

問到保靚樣是否吸引到裙下之臣？子菲自認深閨，笑言或有「社交恐懼症」，識新朋友的機會甚少，更不用說桃花！曾受感情傷害的她表示雖不致留陰影，但短期內不想拍拖，現在她仍住在亞視宿舍，問到會否羨慕其他女星釣金龜？她說：「我鍾意自食其力，人哋嘅錢始終係人哋！而且我唔恨拍拖。」

文：立影　

攝：劉智源

場地：Eternal Beauty