吳千語學外文譜異國戀
有「少女版楊采妮」之稱的17歲美少女吳千語（Karena），最近除了忙拍戲外，還積極進修增值自己，現時正學習西班牙文，直言將來不介意發展異地戀。
擁有高挑身形及甜美面孔的吳千語，早前拍攝完《開心魔法》後，最近又忙拍其他電影，雖然工作忙碌，但她仍自我增值，原來小妮子對西班牙文極有興趣，她說：「除咗西班牙文，我對葡萄牙文、意大利文都有興趣，起碼去旅行都易溝通。（將來揀另一半呢？）唔介意異地戀，溝通到就得啦。」
不愛藝術家
談到擇偶條件，Karena說：「個人要開朗，唔鍾意太藝術家脾氣，當然要高過我，唔需要好靚仔，最緊要啱傾。」雖然年僅17歲，但Karena思想較同齡少女成熟，她表示不懼怕緋聞：「呢啲冇得避免，好多時兩個男女坐埋一齊就惹緋聞。（大把人追？）冇呀，依家啲男仔好似唔鍾意追女仔，冇咗追求階段，（你會主動？）咁又唔會。」
大讚楊采妮
Karena在《開》與古天樂及吳尊結片緣，她直言演技仍有改善空間：「睇番Playback，好多位可以做得更好。（有壓力？）反而冇諗咁多。」對於被指貌似楊采妮，她說：「好多人都話我似佢，佢依家女人味爆燈，我有睇番佢以前啲片段，真係好清純好靚女。（做宅男女神？）唔敢當，但都希望多啲人喜歡自己。」
採訪：專案組 攝影：黃叔榮
髮型：Byron Ho@Hair Culture
化妝：Zoefan 服裝：Juicy Couture
場地：1+藝術空間