葉問弟子簡華捷弘揚正宗
一代宗師葉問得意弟子簡華捷為宣揚正宗詠春，日前與一眾師弟和徒子徒孫舉行聯歡晚會，席間簡師傅坦言很多人借葉問為名，以改裝詠春去賺快錢，令他心痛不已。談到甄子丹能否演活葉問神髓？他直言：「冇可能打得純正，都係拍戲啫！」
甄子丹兩集《葉問》系列票房大收旺場，重新帶起詠春熱潮。可惜坊間的改裝詠春並非玄門正宗，很多學武之士不知就裏，容易學壞手勢。有見及此，身為葉問得意弟子的簡華捷聯同師弟王正宇、黃朗、徒弟Mark、師姪陳煜釗等人，成立傳統詠春聯會，向有志學武者宣揚正宗詠春。
改裝詠春走歪路
傳統詠春聯會日前舉行聯歡晚會，席間簡師傅、王正宇、Mark、陳煜釗除了致詞外，更即席表演小念頭和黐手，拳風霍霍，令人看得拍爛手掌。
簡師傅表示，詠春是一門易學難精的武術，如今因為有太多人乘機賺快錢，致招式不夠精純，甚至走歪了路，他說：「改裝詠春易學又好睇，啲人又唔識，梗係多人學，其實學詠春唔可以一暴十寒，我玩小念頭，都學咗六個月啦！」
憶述小龍好反斗
那麼甄子丹詠春打得如何？簡師傅說：「唔可以話佢打得純正囉！不過都係拍戲啫，外人睇咪咁上下囉，唔關演員事，可能係導演嘅問題。」
其師弟王正宇本身是著名大狀，58年已跟葉問學武，曾跟李小龍做過師兄弟，在他記憶中，李小龍是個非常反斗的人：「佢行行吓街都可以踢一腳，廿四小時都諗武術，真係好犀利！」另一師弟黃朗更說李小龍是他學弟：「大家一定未聽過，李小龍原名叫李元鑫，我高佢一級，係佢阿哥同學，佢成家我都識。小龍的確好有武學天分，不過學詠春時間比較短，唔係打得最好。」
文：專案組
攝影：鄭家俊