(8)施熙瑜(7)康馨月一大一細被叮

十五位《2011亞洲小姐競選》「港澳特區賽區」候選佳麗昨日在大埔亞視總台進行淘汰賽，由羅霖、黎燕珊、傅明憲、江華、黃家諾等擔任評判。候選佳麗以三點式泳裝行catwalk出場，身材瘦削的(6)馮雪冰泳衣似乎不稱身，她將泳褲拉高遷就，令下身出現現形情況。

唔啱台上表演

大會以頒發「感謝狀」形式將七位佳麗逐一叮出局，壓軸被叮的是(8)施熙瑜，她似已有心理準備，未見失望表情，接受訪問時她說：「冇咩失望嘅，可能自己做慣設計，舞台上嘅表演唔係咁適合自己。（可覺得自己因操行欠佳而被踢出局？）我好介意啲報道咁講，呢啲唔係事實。」

(8)施熙瑜被叮走，無望挑戰亞姐寶座。	(7)康馨月被叮走，有少少失望。	(14)胡主莉身段均稱，入圍冇難度。

相反年齡最細只有17歲的(7)康馨月被叮一刻嘴藐藐，狀甚不滿，她受訪時說：「冇不滿，我個樣係咁嘅，冇唔開心嘅意思。不過，話完全冇失望就係假嘅，可能輸在年紀太細，唔夠經驗。」康馨月落選沒有失望到喊，她在後台反而見到同樣出局的(12)陳立筠在飲泣，不知如何安慰！而順利入圍的佳麗包括(1)王家敏、(2)周嘉莉、(4)林微熹、(6)馮雪冰、(10)梁樂思、(13)馮虞軒、(14)胡主莉和(15)楊鑫婷。至於評判傅明憲透露入圍佳麗大部分也是她的心水之選。

文：影視組