江若琳揮劍亂舞劈傷人
入行多年的江若琳（Elanne），早前因拍攝內地古裝劇才有幸初次接觸「劍術」，令她喜出望外，在片場揮劍亂舞。不過向來撞板多過吃飯的Elanne，拿起真劍不久即刺傷武術指導、見血收場，嚇得她只好急忙道歉。
無情力已經夠驚嚇，無情刀威力自然更勝一籌。早前，Elanne到敦煌拍攝內地劇《巾幗大將軍》，由於劇中的角色要落場打仗，自然少不了以劍殺敵的場口。為了令Elanne拍攝時顯得有板有眼，劇組特意安排武術指導親自教授Elanne正確耍劍姿勢。細心的武指為怕排練時不小心傷及Elanne，更將自己的劍換成樹枝，可惜正正因此招惹「見血」之禍。
件件兵器真鐵打造
出名論盡的Elanne，練習時不小心用劍打中武指，原本大家以為武指只是受了少許痛楚，豈料不久卻見到武指被打中的地方有血流出來！此時自知闖禍的Elanne立即衝上前慰問武指並連番道歉，她事後猶有餘悸謂：「因為係第一次揸劍拍戲，初初仲好似見到新玩具咁覺得好好玩，仲扮女俠擺晒甫士咁……依家搞到人哋受傷兼流血，真係好唔好意思！」Elanne又指當時所用的是還未開鋒的劍，否則後果可能更加嚴重，她說：「啲兵器全部都係真o架，仲要係鐵造，件件都好重。」
文：影視組