Eason戚袋 搶攻荷里活

歌影皆忙的陳奕迅（Eason）兩年前參演的荷里活電影《贖命》終上映，他表示接演全因導演周隼夠衝勁及劇本有深度：「套戲嘅英文名其實係個佛偈，講唔同人面對生死嘅睇法。」另一吸引Eason的地方是以全英語拍攝，這當然難不倒曾在外國留學的他，不過他在口音方面亦揣摩了一段時間：「我唔想講得太作狀，不過睇番Playback都覺得好扮嘢！（你英文冇問題？）都唔係o架！我有啲留學嘅朋友都係講『wait me lunch』等我食飯，亂咁嚟o架！」

閉氣谷青筋

提到最難忘一幕，他直言是在狹窄的浴室中吊威吔，其「龍躉」頂住牆壁，又找不到地方借力：「要閉氣谷晒青筋配合場戲，下面又戚住，好辛苦！」問到是否想憑該片打入荷里活，他表示沒有此打算：「我唔係拍武打，又唔係性感，只係想咩都試吓。」談到兩年間有否變樣，Eason笑言其稀薄的「清裝頭」貫徹如一，可替常拍古裝的甄子丹做「頭殼替身」！

Eason表示與女主角沒有親熱場面，但不覺可惜。	Eason在浴室內吊威吔，同時閉氣及找地方借力，有苦自己知。	導演周隼笑言看中Eason全因他不靚仔，難得Eason樂於接受。

取景有難度

導演周隼曾參與《霍元甲》的劇本，今次首次執導，直言最大責任是不超支，但要在香港及美國取景確有難度，他又大讚Eason英文及演技好，但亦笑對方不靚仔：「呢件係好事，可以更融入角色！」

文：立影

化妝：Karry Wong

髮型：Derek Li＠ii Salon