郭偉亮補擺喜宴 鋒芝有你無我

Eric Kwok和Jerald組成的Swing前晚在紅館舉行拆夥前最後一場演唱，嘉賓更是星光熠熠，演出嘉賓更超過十位。兩人與嘉賓唱到興起時，更公然舉中指，Eric更除褲露出「感嘆號」搞氣氛，又播出Eric向Jerald「復仇」短片，將成箱白老鼠向Jerald照頭淋，嚇到Jerald連聲爆粗，而到壓軸嘉賓陳奕迅出場，再次拎垃圾桶笠落Jerald頭上，嚇到Jerald彈開。

全晚高潮是Eric給女友Grace的「驚喜婚禮」，即場在律師和一眾兄弟姊妹團前簽紙成婚。雖然栢芝是Grace的手帕之交，但為免與霆鋒同台而避席。

張栢芝為避前夫謝霆鋒未有出現紅館。	Grace事後展示其結婚戒指。	Eric拿着手機向Grace宣讀愛的宣言後，便將手機遺漏在舞台上。

事後，Eric對霆鋒投訴「攞景定贈興」一事笑住解釋：「好自私純粹為自己，冇諗過佢o架，唔叫佢又嬲，叫佢又嬲！（你響佢傷口灑鹽？）佢依家不知幾……平靜。」補擺喜酒是否請霆鋒和栢芝出席？Eric坦言：「總之一個嚟，一個就唔嚟，唔想令佢哋尷尬。」

「郭太」消化唔嚟

事後一對新人到了紅磡一酒店慶功，而一夜間成為「郭太」的Grace，表示只猜到求婚，未預會結婚，一下子未能完全消化，對於「驚喜閃婚」則笑言：「感覺畀佢擺完上枱再擺上枱，嚇到我腳軟。（生BB？）唔會諗住，我哋過吓二人世界先啦！」

Eric向Grace台上拿手機講愛的宣言，卻樂極忘形遺漏手提電話在紅館，昨晨在微博留言尋電話。

文：音樂組