呂慧儀嫁靚仔 網爆閃婚

06年港姐季軍呂慧儀（Koni）昨日在微博上載一張「結婚照」，並留言：「我要結婚了！」但相片只得她與未婚夫手拖手看海的背影，令「蟹公」身份備受猜疑。向來緋聞多多的Koni，曾與曾志偉、黃秋生及陳志雲前助理叢培崑等傳緋聞，但最「長情」的莫過於08年落選港男黃文迪（Dickson），雖然二人曾於09年被踢爆７年情玩完，但有指小倆口於10年秘密復合，更被拍得偷偷築愛巢，令Dickson頓成「疑犯No.1」。

請假一星期

據知，Koni已向無綫請假一星期結婚，婚後亦會密密接Job，加上婚紗酒席均有贊助，婚禮可謂「價廉物美」。昨日她如常與陳法拉、郭晉安及阮兆祥等在清水灣半島附近拍攝新劇《東西宮略》，她坦承將於下月中結婚，但拒透露「蟹公」是否Dickson，亦否認奉子成婚，並承諾會在今日的新劇活動中公開另一半身份。

默認做黃太

祥仔聞言即踢爆Koni於下月13日在港擺酒，她笑說：「我結婚第一個通知獎門人（曾志偉），希望佢贊助禮餅，仲打算擺20至30圍。」至於求婚過程，她竟說「唔記得」：「唔係尋日（前日）求，好耐之前求，都係例牌花同戒指。」她又直認與未婚夫拍拖多年，並踢爆其鬼馬行徑：「初頭以為影婚紗相玩吓，點知佢嚟真架！」而婚禮安排亦全權交由「蟹公」負責。

昨晚９時許，Koni返回電視城，記者再追問「蟹公」身份，她說：「佢唔係圈中人，但係靚仔囉！要返去問吓佢點稱呼自己。（係咪叫你黃太？）咁我第時老咗咪變『黃老太』囉！」默認真命天子正是Dickson的她，透露會先擺酒，再到外地度蜜月及註冊。至於高層樂易玲表示Koni早已向公司報喜，婚後亦如常為新劇《女警愛作戰》開工。

文：影視組