洪天明封嘴 周家蔚投信任票

陳嘉桓因信任洪天明去消夜，最後演變為陳浩民、馬德鐘涉嫌借醉抽水，作為「監護人」的天明事後內疚不已，望得到Rose的原諒，未料昨日有消息傳天明與Rose其實「暗撻」四個月。

３月婚期不變

對此傳言昨日天明表示不作回應，但其「老婆」周家蔚卻出言力撐天明，除指報道亂作，對天明絕對有信心，「暗撻」事件完全沒有影響二人感情，明年3月婚期亦不會改變。家蔚在電話中說：「我對天明絕對有信心，如果天明喺香港，佢嘅行蹤我瞭如指掌，呢件事都冇影響我哋感情，今日佢都有同我一齊搞酒席，邊日結就未定，因為要遷就老爺洪金寶個期，預定擺廿圍，3月左右舉行，婚期不變！」

可以飲不可醉

問家蔚可知天明與Rose熟絡？她說：「佢哋只係合作過兩次，一次《獎門人》之後就係今次嘅電影合作。（有冇勸天明少啲應酬避免捲入是非？）其實酒可以飲，但唔好醉就得。」

陳浩民昨午拖老婆開記者會聲淚俱下道歉，天明對此亦不作回應，家蔚則說：「我都未詳細睇，佢既然出嚟公開道歉，都希望外界畀個機會佢改過，以後唔好再犯就得啦。」

文：影視組