陳浩民哭崩：我真係錯喇！
陳浩民上周在橫店強行攬錫只有十九歲的陳嘉桓，引爆名聲破產危機，為挽救事業及家庭，他經過連日來閉關思過，昨日攜同快將臨盆的太太召開懺悔記者會。席間陳浩民哭到崩潰，甚至比受害人陳嘉桓還要激動，還兩度站起來、三度九十度鞠躬、五度致歉，離開時更腳軟要人攙扶，認真禍不單行。
昨午四時許，陳浩民在經理人林查理及懷胎十月的太太蔣麗莎陪同下，在觀塘召開記者會。身穿黑色西裝、表情落寞的陳浩民，先扶老婆坐下，力挽好丈夫形象，之後在經理人開場白後，一直頭耷耷的陳浩民才拿出貓紙，一邊輕握蔣麗莎的手、一邊嚴肅地讀出懺悔宣言：「就上星期喺橫店同陳嘉桓小姐發生嘅不愉快事件，我喺度衷心講對唔住，（透大氣）對唔住。」語畢，陳浩民即站立作九十度鞠躬。
願接受戒酒療程
之後陳浩民坐下續說：「我承認當日飲多咗、行為過分咗，做出一啲無禮貌嘅行為，我依家承認真係做錯。（激動兼眼泛淚光）我真係冇心架！（嘆氣）無心令到嘉桓受到傷害，我知道今次令佢好難堪同難過，喺呢度再次向佢同佢屋企人同錫佢嘅朋友（道歉），因為我嘅無心之失，一時飲多咗酒帶畀佢咁多麻煩，令愛錫佢嘅人擔心同難過，喺呢度同佢講聲對唔住。」
再次強調對酒後失儀感後悔的陳浩民，亦不忘向太太、家人、朋友及粉絲道歉，當提到家人，陳浩民即淚如雨下，激動大叫：「我真係錯喇！」此時，原本一直表現平靜的蔣麗莎，亦忍不住眼濕濕，並體貼給老公遞上紙巾，輕拍背膊予以安慰。
喊足半分鐘後，陳浩民再收拾情緒說：「我真係好後悔，咁大個人仲咁貪玩，唔知可以做咩去彌補我嘅錯，不幸中之大幸係我得到太太嘅原諒同信任，畀機會我改過自新，（嗚咽）做番一個有承擔同埋肯改過嘅爸爸同丈夫。我承諾今後會努力戒酒、睇醫生，如果醫生覺得我有需要接受戒酒療程，我絕對樂意接受，我真係想同酒脫離關係。」
揚言已吸取教訓及作自我反省的陳浩民，再次請求陳嘉桓接受道歉：「我再次真誠同嘉桓講對唔住，請原諒我。」此時，陳浩民又再站立鞠躬，之後繼續站着演說：「最後想向兩位前輩道歉，就係嘉桓媽媽同冼（國林）師傅，今次事件令兩位前輩痛心同難過，我係難辭其咎，喺呢度送上最衷心嘅道歉，對唔住。」語畢即進行第三度鞠躬。
蔣麗莎開腔求情
陳浩民坐下後，蔣麗莎接着發言，她皺着眉以普通話為老公求情謂：「這一次浩民是真的意識到自己的過失，希望在場朋友給他一次機會，因為他確實向我道歉與承諾（此時二人對望）好好戒酒，為了我和BB好好工作，希望大家再次原諒，亦希望嘉桓小妹妹原諒浩民，多謝。」記者會此時亦告結束，未知是否太過激動，陳浩民離開時一度腳軟，更扶着椅子激動嚎哭，令原本扶着麗莎的經理人要分身「扶埋一份」；思緒紊亂的陳浩民，更將重要貓紙遺留現場。離開期間，有傳媒追問陳嘉桓有否飲酒與反抗、及他會否戒女色等，陳浩民只懂嗚咽回應：「我唔講喇，對唔住！」
盼師傅接受道歉
事後經理人林查理解釋浩民之所以如此激動，是因得到太太支持，他又希望陳嘉桓的師傅冼國林會接受浩民道歉。說到陳嘉桓或於內地報警，他說：「我都唔擔心，浩民內地人緣幾好，而且佢都冇蓄意傷害個女仔，只係飲大咗玩過龍，咁唔係犯法啫！（浩民與馬德鐘目前關係如何？）呢個我唔回應，只知馬德鐘已返內地拍劇。（有嬲佢推卸責任？）唔會，佢哋合作咁耐。」
文：影視組