張秀文多人追唔享受

張秀文最近忙於拍攝處境劇《結．分@謊情式》，飾演的角色裙下之臣多多，問到她現實中可享受有大批男士追求？她說：「太多又唔會好享受，要睇對象嘅，太多追求者都會影響到工作。最緊要有心啫，係講心嘅。」靚女自然多人追求，但張秀文的狂蜂浪蝶名冊上慶幸未有激進人士。

自覺有喜劇細胞

首次拍劇的張秀文懷着緊張心情，最初亦缺乏信心，她說：「拍劇幾好玩，好多謝公司畀咗好多機會我試咗好多唔同嘅嘢，之前喺節目《安樂蝸》、《香港演義》做主持就練到反應，拍劇就另一樣考驗。」問張秀文最想演甚麼角色？她說：「我想做喜劇，我覺得自己有喜劇細胞(o架)，自己成日都好開心，可能要求少，容易滿足就自然開心；其實唔好去諗人哋擁有咩，多啲諗吓自己所擁有嘅就會覺得好幸福。」

首次拍劇的張秀文初時心情忐忑。	張秀文是港姐亞軍，發展尚算不錯。	張秀文（右）拍處境劇，大感好玩。

工作學業兩兼顧

張秀文現時除了拍劇，還有一年就完成修讀的大學工商管理課程，並於下年畢業，雖然工作、學業兩兼顧相當辛苦，但她也會堅持下去：「最難得係公司願意工作上遷就我嘅學業，咁點辛苦都要讀完佢。」