身材驕人的李曼筠（動漫Maggie），早前突然在微博上載大批「疑似結婚照」，更促請大家「早點到」。由於Maggie近日每逢出席公開活動，均甜蜜談及有追求者，此留言一出，即惹來結婚猜測。
記者就事件求證Maggie，她即忍不住哈哈大笑謂：「點會咁快結呀？搞到你哋誤會咗真係唔好意思，其實係我有個朋友做新娘化妝，咁啱我又好想試吓化咗新娘妝嘅感覺，咪叫個朋友幫我試妝囉！」Maggie又強調現時仍是單身，她笑謂：「你哋唔好咁心急啦，總之結婚一定會請大家飲，暫時都仲要觀察吓先。」