龔嘉欣望雙贏牛一贈興
無綫小花龔嘉欣（Katy）今年有份角逐台慶頒獎禮「飛躍進步女藝員」，湊巧男友鄧健泓亦入圍「最佳男配角」，原來頒獎禮當天正是Katy生日，她渴望屆時能與男友齊齊在頒獎禮領獎。
Katy今年與高海寧、樂瞳、馬賽和黃智雯，齊齊入圍「飛躍進步女藝員」，Katy得悉入圍一刻，還以為自己發夢，她說：「睇名單時諗係咪真係有份？我嘅化妝師知我入圍開心到喊。（有冇信心？）都有，因為《誰家灶頭無煙火》播咗都幾耐，角色幾入屋。（睇好邊個？）真係好難揀喎，個個都friend底。（揀好戰衣？）一定係隆重，但未必性感。」原來頒獎禮當天湊巧是Katy的22歲生日，她直言希望獲獎作為自己的生日禮物。談到男友鄧健泓（Patrick）亦角逐「最佳男配角」，Katy甜笑說：「希望到時一齊攞獎就好啦﹗」
恨演女警
演慣青春少艾及乖乖女角色的Katy表示，目前正拍攝新劇《天梯》，並「升呢」飾演少婦，問到有何角色想演？她說：「女警，有型嘛，我想演多啲硬淨剛強角色。（奸角呢？）都OK，可以有多啲新嘗試。（親熱戲？）睇劇本啦，角色需要係唔會抗拒。（要問過男友？）工作上唔到佢話事，我哋工作獨立，係一種專業態度。」
唔會閃婚
今年圈中興閃婚，不過Katy直言不會效法：「唔閃呀﹗我好有計劃，而且我唔心急。」對於Patrick於台慶當晚贏取百萬大獎，Katy也替男友高興。
採訪：戶冊平
攝影：秦健輝
化妝及髮型：Sammy Lam
場地：Table 18@apm