祖兒自嘲似男人挑逗軒仔
容祖兒（Joey）、張敬軒（軒仔）、關心妍等前晚到九展出席節目錄影，楊受成夫婦都有捧場，軒仔坦言之前與陳嘉桓曾合作拍電影，更有大夥兒出去吃飯，不過對方沒有飲酒，更指冼國林師傅對她好嚴格，對於「攬錫」事件，會否戥她慘時，軒仔謂︰「大家食飯出發點唔係咁！酒精累事。（喺大陸工作時有否試過「出事」？）冇喎！可能我姿色一般，男藝人好少遇到咁嘅事，不過都有人鍾意撩明星仔，我都畀人撩過，但冇畀人強暴！」
彈軒仔瘦得滯
此時Joey即上前摸他，更搞笑謂︰「冇人摸男Artist等我嚟！等我挑逗佢，橫掂我同男人無分別，呢行啲男仔都無當我係女仔，當住我面講鹹濕嘢！表表者就係張敬軒。」與軒仔熟落的她被問到會否與對方有「親密」接觸時，她說︰「有時熱情啲咪翹吓手，唔會狼吻同揸，唔會伸手入衫，佢瘦得滯，我鍾意大隻。（同何韻詩係咪玩得斯文?）又講佢，唔講呢啲。」
文：影視組
