Mr.玩倒數棄歌賣舞
樂隊Mr.入行3年，曾參與不少新年倒數活動，今年將首次與其他香港樂隊crossover搞band騷倒數，五子笑言到時現場有太多鼓手和結他手，Mr.索性跳舞會更好玩。
Mr.今年除夕會與太極、RubberBand、Kolor等樂隊參加「狂熱搖滾。除夕倒數演唱會2012」band騷，首次與他們合作的Mr.期待能擦出新火花，成員Dash說：「有咁多band一齊表演，希望觀眾可以好放鬆去enjoy！」新年倒數會否與台下觀眾互動？他們說：「今次係好機會，等觀眾感受一下各隊band嘅特色同個性！」屆時台上眾多鼓手和結他手，Dash笑言十足一個管弦樂團表演，至於今次合作的主題，他們指可能會以服飾配搭出主題，但不會過分着重。
Alan趕戲
最近忙於錄製新歌的Mr.，由於主音Alan趕拍電影，錄音時間更緊湊。提到如何準備今次表演，他們說：「之前喺台下睇過太極表演，佢哋表現好投入，今次有機會同台真係好興奮！依家一個禮拜大約練四至五次。」難得眾多樂隊同台，可會有特別合作表演方式？Alan說：「咁多隊band好難全部人一齊同台，可能每隊樂隊抽人crossover表演。不如留番結他畀太極嘅Joey，而我哋一齊跳舞仲容易！（最期待唱哪首其他樂隊嘅歌？）最想唱Kolor嘅《圍城》同《愚公》，聽到我哋起晒雞皮！」
文：專案組
攝：黃叔榮
場地：通利琴行