蝦妹儼儼來港送英哥 最後一程

日前低調來港的儼儼相約了當年紅娘呂珊會面，二人識於微時，當時呂珊在新加坡跟她一齊登台，並介紹給英哥認識，當英哥出事後呂珊第一時間通知儼儼，對此突然消息兩人都未能接受。

奇妙日子藏玄機

提到與英哥當年「異地戀」，儼儼稱兩人於77年認識，拍拖四年，最後因有第三者出現，她才決心離開，之後才認識了現任丈夫。英哥心裏一直未有放低儼儼這位「蝦妹」，93年他到星洲拍戲還致電找她，可惜儼儼告知他說要結婚，「蝦妹」嫁人令英哥傷心不已！儼儼說：「婚後已好少同英哥聯絡，唔想佢再有幻想，望佢專心再覓另一半。」

放大圖片	呂珊憶起故人，不禁淚流滿面。	呂珊（左）與媽咪一起招呼儼儼（中）。

呂珊說原本儼儼不打算出席喪禮，但若不前來必定會後悔。儼儼眼泛淚光說：「老公都有勸我來見英哥最後一面，最令我嚟嘅原因係因為『太奇妙』。記得77年嗰年，英哥11月8日嚟馬來西亞，佢出事嗰晚都係11月8日，之後知道26日出殯，而當年11月26日就係佢向我表白嗰日，話鍾意我願唔願意做佢女朋友，又話第二日我去睇佢演唱就代表答應佢，之後我就去咗睇佢表演。」兩人雖未能一起，英哥希望她記得兩人認識的日子，故她對有關日子印象深刻！

珍藏情歌錄音帶

儼儼知道英哥還有收藏當年和她一起的照片、書信或物件，而她唯一還有英哥的「遺物」，就是拍拖時他寄給她的情歌錄音帶，儼儼將之收藏在電話中。雖然儼儼避談是否英哥口中的「蝦妹」，問到可有準備陪葬品送給英哥？她說：「我唔知到時可唔可以畀我見佢，我好想單獨同佢講一啲說話。」出席完喪禮她便會返星洲。此行儼儼未有與許家聯絡，因她並不認識許家的人，但他們都知她和英哥的事。