陳偉霆買防狼器畀阿Sa
陳偉霆（William）之前與女友蔡卓妍（阿Sa）齊齊開生日會，前晚William為無綫節目錄影，他坦言開心過頭，玩到把聲有點「失失哋」，他謂：「我同阿Sa冇醉，我哋到場後都冇人理我哋，未切蛋糕已有一半人醉咗。」問有否於現場被人玩，叫他們「結婚」，他指沒有，但就被要求「錫錫」，他笑言：「呢啲場面走唔甩啦！錫面囉！（走甩錫嘴？）大家都醉，佢哋都顧唔到自己。」
經陳嘉桓事件後，他坦言都會提醒阿Sa返大陸工作要小心，William坦言：「呢件事後會加以提醒，不過阿Sa出咗名醒目，都會放心啲，但總會擔心。（會否叫她學防狼術？）我諗要買支電嘅防狼器畀佢，（色狼唔只一隻？）咁會過電o架嘛！」