郭偉亮葉佩雯 紅館結婚

37歲的Eric和Grace拍拖十年，經歷了幾許風雨終修成正果，Eric早已計劃迎娶Grace過門。為了替女友炮製一個終身難忘的結婚儀式，他串通好友謝霆鋒、陳奕迅、梁漢文、李克勤等製造驚喜，一早度期邀請好友昨晚親臨紅館欣賞《Swing後會無期告別演唱會》，並見證他跟Grace的結婚儀式。

萬人見證註冊

據知情人士透露，當年鋒芝在菲律賓結婚他倆也是見證人，雖然現今鋒芝已離婚，友誼卻不變，Eric好想自己的兄弟和Grace的好姐妹都能做見證，故一早邀請鋒芝出席。本在大陸拍戲的霆鋒亦不介意跟前妻同場，惟消息指栢芝雖身在香港，因擔心兩人離婚後首次同場會搶去新人風頭，寧願缺席，在家默默送上祝福。

一對新人交換戒指，Grace心情激動。	心情激動	放大圖片

昨晚演唱會於八時許開騷，戴了貓耳造型的Grace以貓女郎look現身。及至尾聲，Eric跟剛合唱完的女友Grace求婚：「錢我冇乜，但我有樣嘢畀你，就係幸福。」隨即送上88枝鮮花和鑽戒大叫：「葉佩雯，你嫁畀我。」

Eric（右）在台上表演，之後向葉佩雯即場求婚。	林憶蓮（左起）、劉美君、李克勤	張繼聰（左）、謝安琪

Grace感動到喊，之後Eric請律師、好友謝霆鋒、陳奕迅夫婦、梁漢文、蘇永康、陳子聰夫婦等上台，Eric準備一套神父袍給霆鋒着：「當日我做你證婚人，今日要你做番我證婚人。」

霆鋒滿腦粗口

霆鋒即場套上神父袍，新人交換結婚戒指，Eric伸脷錫老婆，霆鋒說：「依個咁莊嚴時間唔知講乜好，其實我滿心祝福，亦滿腦都係粗口，現場咁多兄弟，點解要搵一個啱啱離婚做證婚，你攞景定贈興。」Eric笑說：「呢個世界好難講。」之後唱《應承》送給老婆，再來一次濕吻，跟觀眾拍照。