劉嘉玲遇色狼兜巴星
劉嘉玲、曾華倩及馮美基昨日錄影清談節目《May姐有請》。提到陳嘉桓遭狼吻，嘉玲表示到內地工作少不免遇醉客抽水，女性應懂得保護自己。她說：「我會意識到對方有咁嘅傾向，尤其哄咁近就更加要防備！唔鍾意就推開，甚至冚巴佢！」嘉玲自認是惡女，冇人敢埋身抽水：「我咁惡，冇人夠膽咁對我，對方唔知之後會發生咩事！我不嬲喺餐枱上都多發言，係氣勢凌厲嘅人。」她覺得陳嘉桓只得十九歲，當時可能嚇呆。她又指馬德鐘及陳浩民可能飲醉，將平時不敢做的行為變得更大膽。
問到下月生日如何慶祝？嘉玲笑說：「我係派對靈魂，會令大家都好好玩。（老公梁朝偉呢？）佢喺內地開工，盡量返嚟啦。」她又自認廚藝麻麻，反而老公廚藝較好，會煮意粉及煎牛扒。另外，嘉玲將於十一月廿六日任金馬獎嘉賓。