王賢誌：唔好用捐款嚟贖罪

王賢誌昨日以總理身份出席《歡樂滿東華2011》記招，對於旗下產品代言人的陳嘉桓（Rose）被陳浩民及馬德鐘施狼爪，他表示已發短訊給Rose慰問，對方亦回覆「多謝」，他說：「佢報埋案，心靈相信受打擊。（影響代言？）唔會，佢都係被動。」對於馬德鐘曾表示願意捐錢，問到會否接受？王賢誌若有所指說：「咩人捐款我哋都接受，上至特首高官，下至強姦犯，不過唔好用嚟贖罪，咁就冇咗行善意義，亦唔好咁樣轉移視線。」他認為兩位男當事人均有家室，知道甚麼不應該做，不應以玩吓做藉口：「娛樂圈一直有鹹豬手，依家多埋豬脷豬頸，呢啲係刑事！好大問題！」