陳偉霆生日P被嘲似擺酒
陳偉霆（William）昨日26歲生日，而今天則是女友蔡卓妍（阿Sa）29歲牛一，前晚兩人於中環舉行「聯生會」，到賀的嘉賓包括有老闆楊受成夫婦、古巨基、杜汶澤、鍾欣桐（阿嬌）等。William刻意早阿Sa逾半小時到場，但在派對上影合照時，阿Sa翹住William的臂彎，而且面貼面，表現甜蜜。
問William可會和阿Sa過二人世界？他說昨晚要返內地工作，而女友要綵排演唱會，故只可抽出早上的時間食個早或午餐及交換禮物。有謂他們的生日會如婚宴，他強調：「生日啫，（啲人一定玩你？）都預咗，不過我盡量唔飲醉。」其後口快快說已預備兄弟頂酒。而阿Sa同樣說：「我酒量淺，會搵朋友頂酒。」阿Sa以黐線來否認生日會似擺酒，聲稱只是「生日酒」，問她可會互相吻賀對方，她含蓄說：「私下啦，又唔係做騷。」
