徐子珊肉搏姊妹花攞尾彩

對於被指三女大鬥性感，子珊笑謂：「都係尊重場合，冇鬥，呢套劇收視咁好，希望再有突破啦！聽聞梁乃鵬博士之後會請食飯，我都想同可頤、卓羲佢哋請crew食飯。」茵媺與定欣的透視造型則儼如兩姊妹，定欣還建議無綫下次開劇可安排她倆演姊妹，對於她在《法》劇死狀恐怖，定欣竟謂：「我嫌唔夠血腥，個交叉血痕可以激烈啲，但頭先睇到有啲片段好心酸。」

監製梅小青暫未知會否開拍第4集，但已於劇集留伏線，問到是否意味着不會離開無綫？她謂：「考慮啦！大家反應咁熱烈。」而《法》劇前晚結局篇最高收視43點，全劇平均收視33點，成為本年劇集收視之冠。另外《法》劇大結局廣管局收到3宗投訴，指過分血腥及暴力，而台慶夜亦收到2宗投訴，指問答環節的答案不對及福祿壽跳舞環節猥瑣。

張可頤欣賞大結局期間一度落淚。

四個女人一個墟，張可頤更笑言要加入性感戰團。