曾志偉施詠春教訓「過分男」
本身在橫店有拍攝工作的曾志偉昨在港出席公開活動，他起初對陳嘉桓（Rose）事件懵然不知，但看了照片後即禁不住怒火謂：「唔應該，太過分！等我返去用詠春拳打到佢兩條友瞓低先！（教訓佢哋？）我下月頭會返上去，到時一定會。」
志偉大讚Rose好乖好純，但對陳浩民及馬德鐘的印象則截然不同。他說：「浩民不嬲都玩得癲，但馬德鐘份人唔係咁喎，莫非飲咗假酒？上面有個司機早幾日飲咗假白酒暴斃咗。」志偉經常飲酒「斷片」，身為「過來人」的他不禁謂：「最慘係連自己做過乜，酒醒之後全部唔記得，可能佢哋依家都後悔到不得了。（但你醉咗唔會亂嚟。）我身體差嘛。」
