婷婷織頸巾畀男友唔預老竇
謝婷婷、名模周汶錡、鐘錶界美女胡敏珊等人昨日出席連卡佛的「Wrapped With Love」愛心慈善行動。婷婷笑言如果要選擇織頸巾給爸爸或男友，她會選擇男友：「因為爸爸貪靚未必戴。」對有報道指張栢芝成票房毒藥，她表示一套電影成功與否不只是女主角的責任：「我都有問過霆鋒點揀戲，佢都話一半係揀一半係運氣。」
此外，周汶錡就自爆曾織溫暖牌頸巾給男友，但現任男友就未收過；對有報道指陳法拉面部癱瘓，她即表示：「呢啲要問醫生。佢咁靚女，希望佢冇事。我就試過搭飛機壓到手指公，搞到手指公癱瘓。」而胡敏珊就坦言不用打Botox：「依家有射頻收緊機同C6去斑機，我每個月都會去做一次，好過用cream。」另外，新婚的周立璟與索模妻子Giselle亦在店舖經過，見二人有講有笑，還甜蜜玩電話。
