Cammi烚吓烚吓 重妝示人
16歲學生o靚模謝芷蕙（Cammi）自爆出慾照事件後，近日開始低調行事，繼上周六被本報拍得出巡銅鑼灣試反應後，前晚再度現身油麻地跟家人打邊爐，化行妝的她着短裙騷長腿，心情靚爆似乎已擺脫「陰霾」！
因為慾照事件成為新聞人物的學生o靚模Cammi，近日一改高調作風，連日潛水在家避見傳媒，並低調返學放學。繼本報上周六獨家拍到她到銅鑼灣會合女友人行街測試反應後，前晚她再度「出山」，偕父親、契媽及另一男性親友到油麻地花園酒家打邊爐。
引食客注目
Cammi以一貫o靚模打扮示人，戴大眼仔、黐假眼睫毛之餘，又着短裙騷四十二吋長腿，由於打邊爐屬自助形式，她每次拎食物時都引來不少食客的注目。
拒回應緋聞
至晚上十一時許，Cammi率先單拖離開，被問到有傳陳冠希回港，她表示不知情，同時亦不會聯絡對方，她等巴士期間亦被很多人舉機狂影。另外，Cammi前晚即急急在圖片網站上載跟親友打邊爐的照片，而她接受本報電話訪問，問到愈傳愈多緋聞男友及公司有否幫她推job？Cammi說：「推job唔清楚，所有緋聞男友都唔係事實唔回應！」
文：專案組 採訪：追蹤組