祖兒鎖定叱咤：有獎梗係攞
【羅宛君廣州直擊】容祖兒、古巨基前晚在廣州舉行的頒獎禮上「封王封后」，黎明更以四獎成大贏家，祖兒對於有指冧莊「叱咤女歌手」金獎，她以「開心事」及「你講就係」作回應，更流晒口水說：「有獎梗係攞啦！」
祖兒、基仔、林峯、鍾舒漫、黎明、李治廷、衞蘭、JW、鄧紫棋、台灣組合LOLLIPOP F及JPM等歌手前晚出席廣州海心沙舉行的《勁歌王．金曲金榜》頒獎禮，基仔、祖兒分別成為「勁歌王」及「勁歌后」，兩人連同林峯各得三獎項，帶領英皇以27獎成大贏家，黎明憑歌曲《遲D見》及《情》奪取四獎成大贏家，而拆夥傳不和的LOLLIPOP F及JPM再度同台，可惜未有碰面。
傷害他人定要罰
本報早前率先披露祖兒再次奪「叱咤女歌手」金獎，祖兒說：「吓，又有獎咩？都係開心事，有獎梗係攞啦，你講就當係。」對於有明星寵物醫院的易服男獸醫助理在廁所安裝針孔偷拍機，祖兒說：「呢個世界有唔同癖好嘅人，佢嘅興趣係冇所謂，但裝偷拍而傷害到人就要處罰，呢種心態好唔平衡。（何韻詩之前隻貓都喺嗰度死？）我有去過探隻貓，但唔記得有冇去過廁所。」
熄晒燈先敢沖涼
祖兒坦言早前患有「被偷拍」恐懼，她說：「有種病態，就係住酒店時沖涼一定熄晒燈先敢沖，好多朋友都送我探測儀器，不過我入到房一定將移到嘅嘢都移開佢，或者同助手換房。」祖兒笑言應有很多人收藏其「慾照」，記者反笑她如拍到必會在網上瘋傳，祖兒說：「可能會自己珍藏呢。」