六叔瞓覺首度缺席台慶
貴為無綫掌舵人的邵逸夫（六叔）自無綫開台以來，每年均會亮相台慶撐場，不過盛傳今年將會是最後一年主持台慶的他，昨晚乃開台44年來首度缺席，主持大局重任則落在方逸華（六嬸）身上，她聯同集團總經理李寶安、電視廣播業務總經理陳志雲，股東陳國強、王雪紅等現身台慶酒會，問到六叔為何缺席？六嬸謂：「六叔要瞓覺。」
及後高層樂易玲則代六嬸回應：「方小姐話多謝大家關心，佢會代六叔收晒啲祝福，其實係佢出門口時見阿Sir熟睡，唔捨得叫醒佢，不過如果阿Sir醒咗，就早啲返去陪佢，六叔身體好好，冇事，（係咪榮休？）無綫係上市公司，一定會正式公布。」而外事部副總監曾醒明則透露，由於天文台預告近兩日天氣不佳，故六叔才逗留家中欣賞台慶。
至於節目開始時播放錄影片段，卻不時拍到htc品牌產品，大有hard sell之嫌！