古巨基演孔融當仁不讓

古巨基近日忙得不可開交，仍答應客串老闆楊受成有份投資的內地電視劇《蓋世英雄曹操》，飾演孔融一角。身為導演的胡玫睇中基仔集結正氣與銳氣於一身，與孔融角色相似，故向楊生建議邀請基仔參演。當基仔得悉獲著名導演睇中即一口答應，並上網查閱角色背景及有關歷史。

基仔坦言首次飾演歷史人物，他說：「之前冇演過歷史角色，對我嚟講好新鮮，相信帶畀觀眾另一感覺。」文質彬彬的他在劇中與對手曹操有不少武打場面，基仔說：「孔融同曹操思想同政治上係對立，所以大家會展開激烈嘅明爭暗鬥。」他更大賣關子說：「大家睇完就會知道唔係平時嘅我。」

獲讚最佳人選

導演胡玫大讚基仔是演孔融最佳人選，他說：「孔融是個政治家，他身上有着濃厚學者風範，但他在與曹操的博弈中又是一名勇敢智慧的戰士，所以我覺得基仔好適合呢個角色。」胡玫續說：「基仔飾演的孔融角色與曹操在戲中的較量將很好看，會拿起武器在戰場上戰鬥。」

文：音樂組