祖兒滿足做骨妹「孖8」起朵

早前容祖兒獲健康品牌OSIM重金禮聘出動七位數字酬金，接拍全球首創的「推拿腳肌」腿部按摩器廣告，拍攝期間要邊用邊演繹又痛又爽的表情，祖兒說：「痛先至有助暢通經脈，酬勞幾多唔係我最關心，最緊要係產品同自己有關。」

祖兒以七位數字酬金接拍腿部按摩器廣告。	祖兒對化妝set頭一絲不苟。	專業的祖兒拍攝後與工作人員研究「製成品」。

自細愛按摩

祖兒自言從小已對按摩着迷，她說︰「細個好鍾意幫人按摩，當我好攰時，就會幫人按摩，將自己嘅攰同埋痛苦發洩喺人哋身上，尤其對方讚我手勢好舒服好到位，真係好有滿足感！所以我按摩有個藝名，叫做『孖8』！

祖兒說母親也享受按摩，但走遍全港九也找不到滿意的按摩師，故自己已成為母親金牌御用按摩師，她說︰「喺廣州拍電影《DIVA》，一星期去三四晚按摩，堪稱係DIVA按摩團！因為部戲要我成日浸水，一凍肌肉就會繃緊晒，所以需要去鬆吓。」

似產後抑鬱

主演英皇電影《DIVA》的祖兒，直言因太投入角色，一度不能抽離，她謂︰「好多人話我只係做番自己，但我想發掘多啲唔同嘅我出嚟，尤其要拍發脾氣、嚎哭嘅場面等，情緒起伏好大，對演戲咁少經驗嘅我嚟講，要學識收放自如。」

祖兒又說：「有次拍完有種空虛感衝埋嚟，嗰幾日情緒好怪，同產後抑鬱差唔多！呢個劇本係度身訂造，希望大家睇完會覺得我做戲有進步！」她續說因常要早起及奔波兩地，笑言常要服食維他命C等藥丸來補充體力。

文：名人組