祖兒揸車似打機嚇親乘客

祖兒前晚出席銅鑼灣舉行的「FIAT新陳列室開幕」，甫出場就從名車步出，聲勢十足。

Mani唔敢坐佢車

已擁有一輛Jeep的她正物色一輛輕型車，更睇中在場名車，笑言若真的購買應該會有折頭，原來祖兒很享受獨自揸車：「好多人以為我唔識揸車，因為成日坐保母車，其實我最鍾意漫無目的咁揸車，最緊要知道點返屋企。」

已是有車階級的容祖兒，吼中心水車想攞折頭。

祖兒、雷頌德（右三）與品牌高層一起祝酒。

之前祖兒試過有兩次送朋友回家都兜錯路，其經理人霍汶希（Mani）若趕時間亦不敢上她的車，有次鄭希怡（Yumiko）坐過祖兒的車後，形容祖兒「揸車似打機」！

最好要乘客安心

祖兒說：「我最怕揸或坐快車，令乘客坐得安心才算是好司機，圈中我覺得劉浩龍技術最好。」以前她試過揸車等紅綠燈時，為爭取時間以雙手化妝：「嗰時啱啱開始拍劇，趕住入廠，好彩咁耐以嚟都未試過有交通意外。」

對於黎明旗下的男歌手李治廷，日前涉嫌醉駕被捕，祖兒肉緊地說：「千祈唔好醉駕，好唔抵！知自己會飲就唔好揸，依家捉得好緊，希望大家警惕，我都唔願意冒呢個險，有一年我生日因為飲咗酒，雖然揸車出去，最後找朋友開車返屋企。」文：專案組