莊思敏反擊：擇偶首要專一
廖碧兒前緋聞男友林忠豪與莊思敏撻着後力追對方，又送電話又以名車接送，不過自被本報拍得他跟甄詠珊歎火鍋後，戀情即時宣布死亡。前晚林忠豪就高調表示要找賢妻良母，而莊思敏亦強調要找個專一的人，兩人隔空互數！
林忠豪前晚出席活動時忽然主動向記者表示要跟莊思敏劃清界線，他表示和對方一直是有聯絡吃飯聚會的朋友，他說：「上次畀人影到唔知係好彩定唔好彩，不過我覺得同佢嘅緋聞都應該要完，我自己都想搵個賢妻良母結婚，（即係話莊思敏唔係？）唔係，只係自己想快啲成家立室有小朋友，所以應該要快啲完結呢個緋聞，驚嚇親其他女人。」
記者問到是否認為廖碧兒及莊思敏都是事業型女性而不適合？他謂不關事，而現時也未有新對象，至於甄詠珊亦只是相識多年的朋友。最後他再次強調：「我想搵個賢良淑德，喺屋企相夫教子嘅女人，希望大家段關係簡單啲！」
句句有骨
而前晚莊思敏出席「3 iPhone Gala Night」派對，同場並有酥胸半露的Ball后薛芷倫、鄭裕玲與好友寇鴻萍等。莊思敏被問到林忠豪的「賢妻良母」言論時？她即時作出反擊說：「我嘅擇偶條件係要專一、有上進心同對我好，（即係話佢唔專一？）唔答你，我只可以講外形唔重要，幾靚仔耐咗都會變形，人品先係最重要。」句句有骨，看來二人「再見不是朋友」。
文：名人組