梁雅淳垃圾分類唔嘥電
有「E Cup法拉」之稱的梁雅淳（前名：梁筠兒、Bambi），一直熱衷環保，常以行動表示支持。做娛樂圈常要出席活動，很多時衫、褲只着一次便不會再着，十分浪費，所以Bambi會將衫DIY循環再着，既環保又可以發揮個人興趣。
喜歡身體力行的Bambi平日會在家中將垃圾分類，她說：「屋企附近都有垃圾分類箱，我會先喺屋企將啲唔要、唔用又或者係多出嚟嘅膠樽、廢紙、甚至乎飲完嘅汽水罐之類先分類，再拎落樓下嘅垃圾分類箱。」重視環保的她更會自備暖壺外出：「我鍾意飲啲潤嘅嘢，例如湯、蜜糖水咁，所以我一向都有帶暖壺嘅習慣，唔用即用即棄水樽，可以飲到我鍾意嘅嘢，又減少破壞地球，何樂而不為！」
平時Bambi不吃牛肉亦少吃其他肉類，她還響應早前舉辦的熄燈一小時環保活動：「能源愈來愈有限，熄燈一小時咁有意義，當然要親身支持啦！」
