李嘉欣：一直唔明佢講乜
李嘉欣日前拍廣告時特別抽空接受網上《樂Loop》訪問，提到黎明會於個唱上解答金句，問嘉欣會否上台問金句時，她竟笑說：「一路聽唔明佢講咩！」更謂不知應從何問起。
嘉欣與黎明二人非常老友，而且合作無間，日前她在戶外拍攝手袋廣告時，便特別抽空接受《樂Loop》錄音訪問。提到黎明下月將於紅館舉行一連七場的演唱會，當中會與歌迷大玩互動，身為好友的嘉欣當然會現身撐場。
點名聽金曲
被稱為「金句王」的黎明，雖然金句多不勝數，但大多數人都不明箇中意思，因此黎明預先表明在個唱中會解答不同金句，現場觀眾亦可以提問。問嘉欣會否上台問金句？她笑說：「其實一路都聽唔明佢講咩，要問嘅唔知邊度開始問！」更笑言如果要問，可能要問足成場演唱會。而個唱亦設點唱環節，嘉欣表示黎明擁有不少經典好歌，當中最想聽《夏日傾情》及《原振俠》主題曲。
出街唔喬裝
拍廣告期間陽光甚為猛烈，但嘉欣仍能無視艷陽睩大眼睛進行拍攝，她說：「Roll機嗰幾秒撐大囉，其餘時間就變矇豬眼！」現場吸引大批途人圍觀，如嘉欣私底下出街定必同樣引人注目，問她會否如美國總統夫人奧巴馬太太一樣，喬裝外出購物？嘉欣說：「好激變男人咁冇試過，但有戴假髮同眼鏡。」她又說自己因較八卦，旅行時想知其他人說甚麼，所以去學不同語言。
文：音樂組