杏兒拉票爭視后
胡杏兒前晚出席電視劇《萬凰之王》慈善晚宴，表示生日在工作中度過，對於男友黃宗澤於她生日時與女伴食飯，她說︰「係咩？我要返工嘛。（識唔識個女仔？）冇睇報道，唔知，唔好講呢啲嘢喇。」問到黃宗澤睇好她奪視后？她說︰「我依家好努力喺網上宣傳，希望多啲人投票。（幫埋黃宗澤拉票？）冇呀，拉自己票，顧掂自己先。」
此外，對於鄭嘉穎睇好她於劇集《怒火街頭》奪最喜愛角色，她說︰「有獎就得。（拎雙料？）有獎已經好開心，但冇《怒》嘅角色會更刺激。」昨日致電她，問《怒》劇未有入圍爭視后？她說︰「觀眾都覺得唔抵。」同場的陳錦鴻笑言能入圍視帝五強已很滿足。