Soler撐澳門電影 過半個編劇癮
Soler孖仔Julio及Dino為澳門電影《愛情在城》獻出第一次，細孖Dino說：「我哋喺片中貫穿晒六個古仔，為每個古仔自己寫感想，未試過咁做，感覺特別。」大孖Julio今次亦過足半個編劇癮，但被問會否將與餅碎Angela的舊情拍成電影？Julio選擇沉默，Dino則搶答：「九萬幾年前嘅事，過咗去，使乜提？」
執導單元《Sa Fa》的歐陽永鋒認為澳門電影業要再努力：「我喺台灣做開短片副導、MV導演，澳門冇電影市場，機會少，但今次係唔錯經驗。」《觸電》導演土生葡人黎若嵐說：「澳門最難係搵演員，其他工作單位都唔夠人。」