林夏薇袁偉豪 初戀無限好

林峯堂妹林夏薇與香港先生袁偉豪日前為處境劇《結‧分@謊情式》拍攝一場Puppy Love的戲份，為了配合回憶劇情，林夏薇更戴了一頭長假髮，以顯「嫩口」。林夏薇作為新人，獲「前輩」袁偉豪力讚人又靚、演技好、人品都好，袁偉豪更不諱言林峯早已叮囑他照顧堂妹林夏薇，他笑言：「峯哥（林峯）知我同佢合作，都叫我睇住佢！」在旁的林夏薇即謂：「佢（林峯）都叫我要同人多多學習。」問袁偉豪怕不怕若林夏薇有甚麼投訴時，「峯哥」會不放過他，他笑言：「唔會，都係做嘢啫！」

自信有日成名

是次飾演情侶的二人早前已獻上肉緊一吻，林夏薇更笑言：「呢套劇我獻出晒我嘅第一次啦，包括第一次拍感情戲、咀戲同沖涼戲，（袁偉豪比你有經驗？）呢套劇個個都比我有經驗，因為我係最新嗰個。」不過，現場所見途人都叫不出林夏薇的名字，只稱呼她為「林峯堂妹」，難得林夏薇表示不介意：「我會靠自己努力，終有一日，人哋都知我叫乜名。」而明顯瘦了不少的袁偉豪表示遲些會積極操fit自己，希望夏天時會有廣告商垂青，更謂：「就算係內褲catwalk 我都唔介意，（咁大膽？）選香港先生時喺咁多人面前着住條內褲都得啦！」

文：影視組