文恩澄做老闆跨界瓣瓣掂

文恩澄與吳彤兩位創作歌手，日前獲邀接受ontv《娛樂onShow》訪問，二人更即席為主持人周吉佩作曲獻唱，歌名主題是《吉吉好靚仔》，文恩澄親自彈結他，而吳彤則即席獻唱，氹得主持人鬼咁開心。

Rannes更大談做狗cafe老闆感受，被問到開舖緣由，Rannes向主持人透露：「呢度係頂手返嚟，都做咗年半。原本我係狗cafe的熟客，因為上手老闆覺得兩公婆一腳踢好困身，想搵人接手，而我又有興趣做生意，加上自己教琴儲了一些錢，於是決定接手。」被問到生意是否已上軌道，她笑言：「OK，現已不用我理。」

愛狗之人文恩澄為狗狗開辦狗cafe。

文恩澄與吳彤即興為主持人周吉佩作曲獻唱。

唔做歌手出路多

周吉佩則問到如果大家唔做歌手，會覺得對方適合甚麼行業，吳彤表示：「Rannes最適合做攝影師，因為她影相好專業，更懂得執相。」Rannes立即笑言：「吳彤最適合做書僮，因為佢讀書好勁，已有碩士學位，而且佢做歌手、出歌、讀書樣樣掂，影響身邊人都發憤努力！」此話一出，引得主持人周吉佩立即勸喻吳彤放棄做歌手，想知Rannes與吳彤更多趣事？立刻click入ontv去片啦！

文：專案組