趙哲妤揀男友要識食

中國小姐趙哲妤（Uny）外形苗條，但原來是名為食貓，提到最愛的食物，Uny即滔滔不絕：「鍾意食海鮮、點心同蛋糕，亦鍾意食水煮魚同麻辣火鍋呢啲辣嘢。（唔驚影響皮膚？）唔會，反而愈食愈靚，哈哈！」她更指男友一定要跟她口味相同，而且要「識食」才可俘虜其芳心，因要陪她到處搵食。

連飲七碗湯

這日Uny到意法餐廳歎西餐鋸扒食扇貝，開懷大吃食到舔舔脷，當她歎甜品時更瞇晒眼，一臉享受：「食嘢係人生一大樂趣，我會用狂食減壓，好多人都以為我食好少嘢，其實我食量唔細！」她表示亦很愛喝湯，最高紀錄是連飲七碗湯，令同桌的人都「O晒嘴」。

為食貓Uny見到滿桌美食，即雙眼放光準備起動。

趙哲妤一見美食，食指大動。

愛兒童樂園

Uny直言不會節食減肥，但會常做運動消脂，故依然keep到fit爆身形，因而吸引不乏追求者，提到擇偶條件，她表示是誠實、孝順及擅於理財，最搞笑是Uny童心未泯，最愛看卡通片的她表示男友不需陪逛名店，反而要跟她到兒童樂園玩：「我鍾意玩掟銀仔嗰啲遊戲，同小朋友鬥多飛，如果男友肯陪我玩就更好。（唔使買名牌畀你？）如果成日買貴嘢即係亂fing錢啦！」

文：立影