城城手腳受罪呻苦

亞洲舞王郭富城（城城）昨日為下月舉行的《郭富城舞臨盛宴世界巡迴演唱會2011》綵排，公司花超過6位數字金額邀請到韓國歌手Rain的御用排舞師李昶勳、金承載遠道來港為演出排舞。城城昨日特別準備燒豬為二人洗塵，雖然語言不通，但見他們練舞時默契相當不錯，城城表示：「整個亞洲嚟講，Rain嘅舞步係頂級，今次可以做個文化交流真係幾好！（舞步會唔會刻意避開Rain嘅影子？）韓國舞步好多元化，今次都好新鮮。」
城城以新練舞步示人，果然甚有man power！
城城以新練舞步示人，果然甚有man power！

按摩器減痠痛

城城坦言起初練習時也頗感辛苦：「頭兩、三日真係幾唔慣，佢哋好多動作都要有力、有man power，所以單單一個動作都練半日，搞到手腳都好痠痛，好辛苦，（叫緋聞女友熊黛林幫你按摩？）每個人都要工作，咁夜個個都要瞓啦，我知佢忙緊拍戲，按摩器本身好耐冇用，都要拎番晒出嚟，兩部一齊用！」城城表示近日全情投入綵排工作，由朝練到晚，問到是否難跟熊黛林見面？他說：「日日都練十幾個鐘頭，時間都好長，（熊黛林睇邊場？）唔知道呢！」

採訪：音樂組

城城喜與排舞師李昶勳（中）和金承載交流舞功。
  • 城城喜與排舞師李昶勳（中）和金承載交流舞功。
一眾dancers與城城齊切燒豬，預祝個唱成功。
  • 一眾dancers與城城齊切燒豬，預祝個唱成功。