李彩華做土匪火屑灼面
近年經常往返內地拍劇的李彩華（Rain）今天28歲生日，Rain特意抽時間返港慶生，她說：「到時都係同大班朋友慶祝。（男友在場？）會呀。」問到是否已收到金融才俊男友潘啟翀的生日禮物？她甜笑說：「唔知呀！（想收戒指？）唔會啦，未係時候！」談到生日願望，Rain表示希望繼續多拍劇及廣告，至於是否恨攞視后？她說：「都希望攞到！（感情生活？）最緊要開心。」
另外，劇接劇的Rain早前拍攝《獨立縱隊》時遭火屑灼面，她說：「戲中我飾演善良嘅土匪，鋤強扶弱，套劇有爆破場面，要親身上陣，到真正拍嗰時，畀啲火屑『辣』親塊面，好彩冇留疤，（買保險？）有呀，不嬲都買重保險，媽咪知道咗後好擔心，仲叫我以後呢啲場面要搵替身。」
